Төрийн байгууллагын автомашинууд "Зөвхөн албан хэрэгцээнд" гэсэн бичигтэй, өөр өнгийн дугаартай болно
Read More2022 оны дөрөвдүгээр сарын 15. Төрийн өмчит байгууллагын автомашины дугаарыг өнгөөр ялгана хэмээн Ерөнхий сайд Л.Оюун-Эрдэнэ Засгийн газрын ээлжит бус хуралдааны шийдвэрийг танилцуулах үеэрээ хэллээ. Тэрбээр “Хуулийн төсөл дээр төрийн өмчит байгууллагын автомашинуудын дугаарыг өнгөөр ялгана гэж орсон. Тодруулбал, зөвхөн албан хэрэгцээнд гэсэн бичигтэй, өөр өнгөтэй автомашины дугаар төрийн байгууллагуудад бий болно гэсэн үг. Ингэхээр тухайн автомашиныг хувийн хэрэгцээнд буюу хүүхдээ сургууль, цэцэрлэгт зөөх асуудал гарвал олон нийтэд илэрхий болно. Ийм зүйлс хуулийн төсөлд орсон байгаа. Мөн төрийн өмчит байгууллага том оврын автомашинуудыг нэгтгэнэ. Үүнийг захиалга өгөөд унадаг болно. Илүү гарсныг нь олон нийтэд нээлттэй хэлбэрээр худалдан борлуулна" хэмээн сэтгүүлчийн асуултад хариулсан юм. ГЭРЭЛ ЗУРГИЙГ Б.БЯМБА-ОЧИР/MPA