2019 оны долдугаар сарын 29. УИХ-ын дарга Г.Занданшатарын урилгаар Бүгд Найрамдах Турк Улс /БНТУ/-ын Үндэсний их хурлын дарга Мустафа Шентоп тэргүүтэй төлөөлөгчид энэ сарын 29-31-нд Монгол Улсад албан ёсоор айлчилж байна. Айлчлалын үеэр, БНТУ-ын Үндэсний их хурлын дарга Мустафа Шентоп УИХ-ын дарга Г.Занданшатарын урилгаар БНТУ-ын Үндэсний Их Хурлын дарга Мустафа Шентоп тэгрүүтэй төлөөлөгчид айлчлалынхаа хүрээнд Туркийн хамтын ажиллагаа, зохицуулах агентлаг /ТИКА/-ийн санхүүжилтээр хэрэгжсэн “Монгол улсын Ерөнхий Прокурорын газрын Эрүүгийн хэргийн төв архивт Архивын шүүгээ нийлүүлэх төсөл”-ийн нээлтэнд оролцлоо. Төслийн нээлтийн арга хэмжээнд Монгол улсын Ерөнхий прокурорын орлогч М.Чинбат, Улсын Ерөнхий Прокурорын орлогч С.Алиманцэцэг, БНТУ-аас Монгол улсад суугаа Онц бөгөөд бүрэн эрхэт элчин сайд Ахмет Язал, ТИКА-ийн Монгол дахь хөтөлбөр зохицуулагч Эмрах Устаөмэр болон БНТУ-ын Үндэсний их хурлын гишүүд оролцов. Монгол Улс, Бүгд Найрамдах Турк Улсын хооронд 1969 оны 6 дугаар сарын 24-нд дипломат харилцаа тогтоосон бөгөөд дипломат харилцаа тогтоосны 50 жилийн ойд зориулан гаргасан дурсгалын маркны нээлтийн ажиллагаанд ноён Мустафа Шентоп тэргүүтэй төлөөлөгчид оролцоно. Мөн тэрбээр Туркийн хамтын ажиллагаа, зохицуулах агентлаг /ТИКА/-ийн санхүүжилтээр Монголын Улсын Ерөнхий прокурорын газрын Эрүүгийн хэргийн төв архивт хэрэгжсэн төслийн нээлтийн үйл ажиллагаанд оролцох юм. Хоёр улсын харилцаа, парламент хоорондын хамтын ажиллагааг өргөжүүлэн хөгжүүлэхэд түлхэц үзүүлэх энэхүү айлчлал нь хоёр улсын хооронд дипломат харилцаа тогтоосны 50 жилийн ойн хүрээнд болж буйгаараа онцлог юм гэж УИХ-ын Хэвлэл мэдээлэл, олон нийттэй харилцах хэлтэс мэдээлэв. ГЭРЭЛ ЗУРГИЙГ Б.БЯМБА-ОЧИР/MPA
