Монгол улс, Улаанбаатар хот. 2013 оны 10 дугаар сарын 26. Монгол Улсын Гадаад харилцааны сайд Л.Болдын урилгаар Бүгд Найрамдах Франц Улсын Гадаад хэргийн сайд Лоран Фабиус 2013 оны 10 дугаар сарын 25-26-ны өдрүүдэд Монгол Улсад албан ёсны айлчлал хийв.
Монгол Улс, Бүгд Найрамдах Франц Улстай 165 онд дипломат харилцаа тогтоосон бөгөөд энэхүү айлчлал нь тус улсаас Монгол Улсад Гадаад хэргийн сайдын түвшинд хийж буй анхны айлчлал юм.
Энэхүү айлчлалын үеэр Францын Гадаад хэргийн сайд Лоран Фабиус, Монгол Улсын Гадаад харилцааны сайд Л.Болдтой албан ёсны хэлэлцээ хийв. Айлчлалын үеэр Хамтарсан мэдэгдэл, Дипломат паспорт эзэмшигчдийг визийн шаардлагаас харилцан чөлөөлөх тухай Монгол Улсын Засгийн газар, Бүгд Найрамдах Франц Улсын Засгийн газар хоорондын хэлэлцээр, Хөдөө аж ахуйн салбарт хамтран ажиллах тухай харилцан ойлголцлын санамж бичиг, Археологийн салбарт хамтран ажиллах тухай санамж бичиг, Монгол Улсын Нотариатчдын танхим, БНФУ-ын Нотариатчдын дээд зөвлөл хооронд хамтран ажиллах тухай гэрээ зэрэг баримт бичигт гарын үсэг зурлаа.
ГЭРЭЛ ЗУРГИЙГ БЯМБАСҮРЭНГИЙН БЯМБА-ОЧИР

БНФУЫН гадаад хэргийн сайд Лоран ФабиусБолдЛ.БолдЛоран ФабиусМонгол Улсын Гадаад харилцааны сайд Л.Болд