Монгол улс, Улаанбаатар хот. 2013 оны 10 дугаар сарын 27. МАН-ын гишүүн Б.Бат-Эрдэнэ Монгол Ардын намын 27-р Их хуралд сууж байна. Монгол Ардын намын 27-р Их хурал соёлын төв өргөөнд эхэллээ. Их хурлыг удирдан явуулж буй тус намын гишүүн, хурал зохион байгуулах комиссын дарга Д.Дэмбэрэл хурлын эхэнд энэ удаагийн Их хурлаар хэлэлцэх ерөнхий асуудлууд, хурлын хөтөлбөрийг танилцуулав. Танилцуулснаар, Их хурлаар есөн үндсэн асуудал хэлэлцэх бөгөөд үүнд, МАН-ын дарга Ө.Энхтүвшингийн улстөрийн илтгэл, Мандатын комиссын илтгэл, намын 26-р Их хурлаас хойш хийж гүйцэтгэсэн ажлын тайлан, Хяналтын ерөнхий хорооны тайлан, МАН-ын дүрмийн асуудлаарх салбар хуралдааны мэдээлэл сонсох, Намын дүрэмд өөрчлөлт оруулах тухай салбар хуралдааны мэдээлэл сонсох, Монгол Улсын 2021 он хүртэлх хөгжлийн зорилт, Намын үйл ажиллагааны шинэчлэлийн талаарх дүгнэлт, Зохион байгуулалтын асуудал зэрэг багтжээ. Их хурлаас гол хүлээлт үүсгээд буй зохион байгуулалтын асуудалд Монгол Ардын намын даргыг сонгох тухай, Бага хурлын гишүүдийг сонгох тухай, Хяналтын ерөнхий хорооны гишүүдийг сонгох тухай гэсэн асуудал багтжээ. Их хурал гурван өдөр үргэлжилж, аравдугаар сарын 29-нд өндөрлөх юм.
ГЭРЭЛ ЗУРГИЙГ БЯМБАСҮРЭНГИЙН БЯМБА-ОЧИР

Б.БатЭрдэнэБатЭрдэнэМАНМонгол Ардын намын 27р Их хуралМонгол Ардын намын XXVII Их хуралМонгол ардын нам