Монгол улс, Улаанбаатар хот. 2014 оны 1 дүгээр сарын 15. Хөөрөг, үнэт эдлэлийн үзэсгэлэн худалдаа өчигдөр “Арт хаус” төвийн гурван давхарт нээгдлээ. Морь жил гарч байгаа болохоор үзэсгэлэнгээ “Морин жилийн өнгө” хэмээн нэрлэсэн аж. Үзэсгэлэнд хаш, мана, гартаам, чүнчигноров, пийсүү гээд төрөл бүрийн үнэт чулуун хөөрөг тавьжээ. Хамгийн эртнийх нь XVIII зууны эхэн түүнээс хойш XVIII зууны дунд, сүүл үе, XIX, XX зуунд урласан ховор нандин хөөрөг ч байсан. Хөөрөгнөөс гадна ур хийцтэй алт, мөнгөн аяга, идээний таваг янз бүрийн сонголттой байв.
“Морин жилийн өнгө” үзэсгэлэн худалдаанд байгаа хөөрөгнүүд 5-300 сая төгрөгийн үнэтэй ажээ. Үзэсгэлэн худалдаа битүүний өдөр буюу энэ сарын 30 хүртэл үргэлжлэх юм. MPA PHOTO/ Ц.МЯГМАРЖАРГАЛ

Алтан аягаАягаМөнгөн аягаХөөрөгҮнэт эдлэл