Монгол улс, Улаанбаатар хот. 2014 оны 1 дүгээр сарын 07. Нийслэлийн Чингэлтэй дүүрэгт баригдаж байгаа "Макс Өргөө" компанийн барилга дээрээс Ланд крузер 200 маркийн машин дээр төмөр унаж дотор нь явсан жолооч газар дээрээ амиа алдсан харамсалтай хэрэг гарлаа. Тухайн үед Нийслэлийн онцгой байдлын газрын эмч Э.Отгонтуяа өөр ажлаар явж байсан ч төмөрт оногдсон машин дээр очсон ч жолооч анхны тусламж авахаасаа өмнө амь нас нь хохирсон байжээ. Одоогоор хэргийн газрыг Цагдаагийн албан хаагчид хамгаалалтад авч дүн шинжилгээ хийж байгаа аж. Мөн тус барилгын компанийн хөдөлмөр хамгааллын инженер болон тухайн үед ажиллаж байсан барилгын ажилчид Чингэлтэй дүүргийн цагдаагийн хэлтэст байцаалт өгч байгаа гэж албан эх сурвалж мэдээллээ. ГЭРЭЛ ЗУРГИЙГ БЯМБАСҮРЭНГИЙН БЯМБА-ОЧИР

Макс Өргөө компаниБарилагын осолОсол